Xalq deputatlari Yangiobod tuman Kengashi deputati A. Isroilov 8-sonli davlat maktabgacha ta’lim tashkiloti faoliyati bilan tanishdi.

Tashrif davomida tarbiyalanuvchilar uchun yaratilgan shart-sharoitlar, guruh xonalarining holati va jihozlanganligi, ta’lim-tarbiya mashg‘ulotlarining tashkil etilishi hamda bolalarning kun tartibi ko‘zdan kechirildi.

Shuningdek, tashkilotning sanitariya-gigiyena holati, oziq-ovqat ta’minoti, oshxona faoliyati, bolalar xavfsizligi va mavjud moddiy-texnik sharoitlar yuzasidan ham o‘rganish olib borildi.

Tashkilot rahbariyati va pedagog xodimlar bilan suhbat davomida tarbiyalanuvchilarning bilim va ko‘nikmalarini rivojlantirish, ularni maktab ta’limiga puxta tayyorlash, bo‘sh vaqtini mazmunli tashkil etish hamda ta’lim-tarbiya sifatini oshirish masalalari muhokama qilindi.

O‘rganish davomida aniqlangan masalalar yuzasidan ularni bartaraf etish bo‘yicha aniq vazifalar belgilandi. Mas’ullarga belgilangan vazifalarni o‘z vaqtida bajarish, mavjud sharoitlarni yanada yaxshilash va tarbiyalanuvchilar manfaatlarini ta’minlash yuzasidan tegishli tavsiya va topshiriqlar berildi.