Fuqarolar muammolari joyiga chiqqan holda o‘rganildi

Xalq deputatlari Termiz tuman Kengashi huzuridagi Ekspert guruhi a’zosi B. Xonov tomonidan tumandagi “Sh. Rashidov” mahallasida fuqarolar bilan uchrashuv o‘tkazilib, ularni qiynab kelayotgan muammolar va murojaatlar joyiga chiqqan holda o‘rganildi.

O‘rganish davomida fuqarolarning yashash sharoitlari, mavjud muammolari hamda murojaatlarida ko‘tarilgan masalalar bilan yaqindan tanishildi. Har bir murojaat tinglanib, muammolarning kelib chiqish sabablari va ularni bartaraf etish imkoniyatlari yuzasidan tegishli o‘rganishlar olib borildi.
Aniqlangan masalalar tegishli tartibda qayd etilib, ularning yechimini ta’minlash bo‘yicha mas’ullar bilan zarur choralarni ko‘rish yuzasidan fikr almashildi.

Fuqarolar murojaatlarida ko‘tarilgan masalalarning ijrosi va ularning amaliy yechimi nazoratga olindi.