Ta’lim olish huquqini ta’minlash, o‘quvchilar uchun munosib ta’lim sharoitlarini yaratish va ta’lim sifatini izchil oshirib borish umumiy o‘rta ta’lim tizimining muhim vazifalaridan biridir.
Xalq deputatlari Yangiobod tuman Kengashi deputati A. Isroilov Sarmich mahallasidagi 3-sonli umumiy o‘rta ta’lim maktabida bo‘lib, “Ta’lim to‘g‘risida”gi Qonun ijrosini ta’minlash borasida amalga oshirilayotgan ishlar va kelgusidagi vazifalar yuzasidan maktab rahbariyati suhbatlashdi.

Muloqot davomida o‘quvchilarning sifatli ta’lim olishi uchun yaratilgan shart-sharoitlar, ta’lim jarayonining tashkil etilishi, pedagoglarning faoliyati, o‘quvchilarning bilim va ko‘nikmalarini rivojlantirishga qaratilgan ishlar muhokama qilindi.

Shuningdek, o‘quvchilarning ta’lim olish huquqlarini ta’minlash, ularning qiziqish va qobiliyatlarini rivojlantirish, darslarga muntazam jalb etish, bo‘sh vaqtini mazmunli tashkil etish hamda ta’lim muassasasida sog‘lom va xavfsiz muhitni ta’minlash masalalariga alohida e’tibor qaratildi.

Maktabda “Ta’lim to‘g‘risida”gi Qonun talablarini amaliyotga samarali tatbiq etish, aniqlangan masalalarni bartaraf etish va ta’lim sifatini yanada oshirish bo‘yicha kelgusida amalga oshiriladigan ishlar yuzasidan aniq vazifalar muhokama qilindi.

Deputat tomonidan ta’lim sohasidagi qonunchilik talablariga rioya etilishi, o‘quvchilar manfaatlari va huquqlari ta’minlanishi hamda belgilangan vazifalarning amaliy ijrosiga alohida e’tibor qaratilishi ta’kidlandi.