DEPUTAT SO‘ROVI: FUQAROLAR XAVFSIZLIGI E’TIBORDA

Xalq deputatlari tomonidan aholi muammolarini o‘rganish va ularni hal etish borasidagi ishlar izchil davom etmoqda.

🗓 Har payshanba — “Deputatlar kuni” doirasida Gulbog‘ mahalla fuqarolar yig‘inida o‘tkazilgan uchrashuvda aholi tomonidan dolzarb masala ko‘tarildi.

🚧 Xususan, Gulbog‘ MFY hududidan 85-sonli maktabga olib boruvchi ko‘prikning:

ta’mirtalab holatda ekani,

bir vaqtning o‘zida ikki transport vositasi harakatlanganda o‘quvchilar uchun xavfli vaziyat yuzaga kelayotgani ta’kidlandi.

⚠️ Mazkur holat bolalar xavfsizligi nuqtayi nazaridan jiddiy muammo sifatida qayd etildi va ko‘prikni tezkor ta’mirlash zarurligi bildirildi.

📨 Shu munosabat bilan ushbu masalani o‘rganish hamda ijobiy hal etish yuzasidan Namangan shahar hokimining birinchi o‘rinbosari D. Umrzaqov nomiga deputat so‘rovi yuborildi.

📖 Eslatib o‘tamiz:

Ma’muriy javobgarlik to‘g‘risidagi Kodeksning 193-moddasiga ko‘ra, deputat so‘rovini ko‘rib chiqmasdan qoldirish yoki ko‘rib chiqish muddatlarini uzrli sabablarsiz buzish yoxud bila turib noto‘g‘ri ma’lumot taqdim etish mansabdor shaxslarga nisbatan jarima qo‘llanishiga sabab bo‘ladi.