Mahallalarda xotin-qizlar faollari faoliyati samaradorligi o‘rganildi

Namangan shahar Oila va xotin-qizlar bo‘limi tomonidan mahallalarda faoliyat yuritayotgan xotin-qizlar faollari tomonidan amalga oshirilayotgan ishlar samaradorligi tizimli ravishda o‘rganildi.

O‘rganish jarayonida xotin-qizlarning ijtimoiy faolligini oshirish, ularni har tomonlama qo‘llab-quvvatlash, bandligini ta’minlash, tadbirkorlikka jalb etish, oilaviy muammolarni barvaqt aniqlash va hal etish, shuningdek, huquqbuzarliklarning oldini olish borasida olib borilayotgan ishlar chuqur tahlil qilindi.

Shu bilan birga, mahallalarda tashkil etilayotgan ma’naviy-ma’rifiy tadbirlar samaradorligi, xotin-qizlar bilan individual ishlash holati, ijtimoiy himoyaga muhtoj fuqarolar bilan manzilli ishlash tizimi ham atroflicha ko‘rib chiqildi.

Aniqlangan kamchiliklar yuzasidan tegishli mas’ullarga aniq vazifalar yuklatilib, faoliyat samaradorligini yanada oshirish, ishlarni tizimli tashkil etish va amaliy natijadorlikka erishish bo‘yicha tavsiyalar berildi.

Mazkur yo‘nalishda olib borilayotgan ishlarni yanada takomillashtirish, xotin-qizlarning jamiyatdagi o‘rni va faolligini oshirish bo‘yicha tizimli choralar ko‘rilishi ta’kidlandi.