Deputatlar tomonidan obodonlashtirish ishlari o‘rganildi.

Namangan shahar Ravnaq mahallasi, Amir Temur ko‘chasida olib borilayotgan obodonlashtirish ishlari joyiga chiqqan holda o‘rganildi.

O‘rganish jarayonida Namangan shahar hokimi, Xalq deputatlari Namangan shahar Kengashi deputati Ayubxon Kamalov hamda shahar Kengashi deputati Yodgora Maxkamova tomonidan obodonlashtirish ishlari holati ko‘zdan kechirilib, aniqlangan masalalar yuzasidan taklif va tavsiyalar berildi.

Xususan, 65-marotaba o‘tkazilishi rejalashtirilgan an’anaviy Gullar festivaliga munosib tayyorgarlik ko‘rish maqsadida hududlarning obod va ko‘rkam bo‘lishi muhim ahamiyat kasb etishi ta’kidlandi.

Shuningdek, hududda amalga oshirilayotgan ishlar yuzasidan mutasaddi tashkilotlar faoliyati muhokama qilinib, mavjud kamchiliklarni bartaraf etish bo‘yicha tegishli takliflar ilgari surildi.

Deputatlar tomonidan bunday o‘rganishlar aholi uchun qulay va obod muhit yaratish, hududlarni izchil rivojlantirish hamda saylovchilar manfaatlarini ta’minlashga xizmat qilishi qayd etildi.