Obod mahalla — farovon hayotning muhim omili

Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan Taganberdiyev Galpak Arazdurdiyevich Prezident Shavkat Mirziyoyevning Qoraqalpog‘istonga tashrifi davomida mahallalarda aholi uchun qulay sharoit yaratish, obodonlik va infratuzilmani yaxshilash bo‘yicha belgilangan vazifalar yuzasidan o‘z munosabatini bildirdi.

💬 “Mahalla — odamlar hayoti bilan eng yaqin bog‘langan hudud. Shu bois mahalladagi obodlikni faqat ko‘chalar yoki binolarning tashqi ko‘rinishi bilan baholab bo‘lmaydi. Eng muhimi, inson o‘z mahallasida qulay va munosib sharoitda yashashi kerak.

Prezident Shavkat Mirziyoyevning Qoraqalpog‘istonga tashrifi davomida har bir shahar va ovulda qulay turmush sharoitini yaratishda mahalla faollari, nuroniylar, yoshlar va aholining tashabbuskorligini birlashtirish muhimligi alohida ta’kidlandi. Shuningdek, tozalik va obodlikni kundalik hayot madaniyatiga aylantirish vazifasi qayd etildi.

Men deputat va mahalla raisi sifatida bu vazifalarni, avvalo, aholi bilan bevosita muloqot qilish, mavjud muammolarni joyida o‘rganish va ularning amaliy yechimiga erishish orqali ro‘yobga chiqarish zarur, deb hisoblayman.

Obod ko‘cha, toza hudud, yaxshi infratuzilma — bularning barchasi odamlarning kundalik hayotiga bevosita ta’sir qiladi. Shu sababli mahallalarda amalga oshirilayotgan har bir ishning natijasi, avvalo, fuqarolarning hayotida sezilishi kerak.

🏘 Obod mahalla — bu shunchaki chiroyli hudud emas, balki odamlar uchun munosib yashash muhiti demakdir.”

— Taganberdiyev Galpak Arazdurdiyevich
Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat.