O‘zbekiston Respublikasining “Mahalliy davlat hokimiyati to‘g‘risida”gi Qonunining 19¹-moddasiga muvofiq, xalq deputatlari Kengashi doimiy komissiyalarining o‘z vakolatlari doirasida o‘z tashabbuslari bilan amalga oshirishi lozim bo‘lgan 5 ta vazifaning ijrosi o‘rganilmoqda.
Shu maqsadda Xalq deputatlari Bekobod tumani Kengashining navbatdagi sessiyasi kun tartibiga kiritilgan masalalarni ko‘rib chiqish yuzasidan yig‘ilish bo‘lib o‘tdi.
📝 Yig‘ilishda doimiy komissiya raisi A. Djabborov, komissiya a’zosi B. Jo‘rayev, shuningdek, Kengash huzuridagi ekspert guruhi a’zolari N. Jalilov va N. Egamov ishtirok etdilar.
💬 Yig‘ilish davomida kun tartibidagi masalalar atroflicha muhokama qilinib, ularning mazmun-mohiyati, amaliy ahamiyati hamda tegishli taklif va tavsiyalar yuzasidan fikr almashildi.
🤝 Samarali muhokama — puxta qaror. Puxta qaror esa xalq manfaatiga xizmat qiladigan natijadir!