Bandixon tumanida PQ-438-son qarori hamda tuman Kengashi qarori ijrosi doirasida o‘rganish o‘tkazildi

Bandixon tumanida O‘zbekiston Respublikasi Prezidentining 2024-yil 13-dekabrdagi “Surxondaryo viloyatini kompleks ijtimoiy-iqtisodiy rivojlantirish hamda aholi turmush darajasini yaxshilash chora-tadbirlari to‘g‘risida”gi PQ-438-son qarori ijrosini ta’minlash borasida tizimli ishlar amalga oshirilmoqda.

Mazkur qaror asosida qabul qilingan Xalq deputatlari Bandixon tumani Kengashining 2026-yil 15-sentabrdagi VII-26-76-8-211-K/26-sonli qarori ijro holatini o‘rganish maqsadida tuman Kengashi kotibiyati mudiri, deputat A.Pardayev tomonidan nazorat-tahlil tadbiri olib borildi.

O‘rganishlar davomida tumanda sanoat va xizmat ko‘rsatish sohalarini rivojlantirish, yo‘l-kommunikatsiya infratuzilmasini yaxshilash, aholi bandligini ta’minlash hamda ijtimoiy soha muassasalarini qo‘llab-quvvatlash bo‘yicha belgilangan parametrlarning amaldagi ijrosi ko‘rib chiqildi.

Monitoring yakunlari bo‘yicha mas’ul idora va korxonalarga dasturda ko‘zda tutilgan tadbirlarni belgilangan muddatlarda, sifatli amalga oshirish hamda ijro intizomini mustahkamlash yuzasidan tegishli amaliy tavsiyalar berildi.