Xalq deputatlari Qo‘qon shahar Kengashiga “Noib ko‘prigi” saylov okrugidan saylangan deputat M.Yunusov tomonidan “Nonvoylik guzar” mahalla fuqarolar yig‘inida ijtimoiy reyestrga kiritilgan oilalarning holatini o‘rganish, ularni reyestrdan chiqarish, doimiy daromad manbaiga ega bo‘lishini ta’minlash hamda mavjud muammolarini aniqlash maqsadida xonadonlarga tashriflar amalga oshirildi.

Navbatdagi o‘rganish davomida Shayx Sadiy ko‘chasi, 60-uyda istiqomat qiluvchi fuqaro X.Axrorova xonadoniga tashrif buyurilib, oila a’zolari bilan suhbat o‘tkazildi.

Muloqot davomida oilaning yashash sharoiti, ijtimoiy holati, mavjud ehtiyojlari va muammolari bilan yaqindan tanishildi. Fuqarolarning fikr va takliflari tinglanib, oilani qo‘llab-quvvatlash imkoniyatlari yuzasidan fikr almashildi.

Shuningdek, oilaning kelgusida barqaror daromad manbaiga ega bo‘lishi, bandligini ta’minlash va mavjud imkoniyatlardan samarali foydalanishi masalalariga alohida e’tibor qaratildi.

O‘rganish davomida aniqlangan masalalarni tegishli tartibda hal etish, oilaga amaliy ko‘mak ko‘rsatish hamda ijtimoiy holatini yaxshilash bo‘yicha zarur choralarni belgilash masalalari ko‘rib chiqildi.

Xalq deputatlari Qo‘qon shahar Kengashi