Tuman Kengashi deputati Azimov Ikromjon Buronovich tomonidan Umar mahallasida hududlarni obodonlashtirish, infratuzilmani yaxshilash hamda aholining turmush sharoitini yanada yaxshilash borasida amalga oshirilayotgan ishlar deputatlik nazorati doirasida manzilli o‘rganildi.

O‘rganishlar davomida hududda zamonaviy, qulay va xavfsiz muhit yaratish maqsadida yo‘l bo‘yida piyodalar yo‘lagi barpo etish ishlari joyiga chiqib ko‘zdan kechirildi.
Mazkur piyodalar yo‘lagini barpo etish jarayonida amalga oshirilayotgan ishlarning borishi, yo‘lakning belgilangan talablar asosida qurilishi, piyodalar uchun qulay va xavfsiz harakatlanish sharoitlarini yaratishga qaratilgan chora-tadbirlar holati o‘rganildi.
Shuningdek, piyodalar yo‘lagining sifatli va o‘z vaqtida foydalanishga topshirilishi, hudud aholisi uchun xavfsiz hamda qulay harakatlanish imkoniyatlarini kengaytirish masalalariga alohida e’tibor qaratildi.