🏘 “Yangilik” MFYda ijtimoiy xodim faoliyati o‘rganildi

📍 Xalq deputatlari O‘rta Chirchiq tuman Kengashi deputati D.Ataxodjayeva nomidan tuman Kengashi kotibiyati bosh mutaxassisi Sh.Eshov tomonidan “Yangilik” mahalla fuqarolar yig‘inida faoliyat yuritayotgan ijtimoiy xodimning ish faoliyati o‘rganildi.

🔰O‘rganish davomida mahallada ijtimoiy himoyaga muhtoj, ehtiyojmand va og‘ir ijtimoiy vaziyatga tushib qolgan fuqarolar hamda oilalarni aniqlash, ularning muammolarini o‘rganish va tegishli ijtimoiy xizmatlarni ko‘rsatish borasida amalga oshirilayotgan ishlar ko‘zdan kechirildi.

🔰 Yolg‘iz keksalar, nogironligi bo‘lgan shaxslar, kam ta’minlangan oilalar va boshqa ko‘makka muhtoj fuqarolar bilan ishlash, ularning ehtiyojlarini aniqlash hamda mavjud muammolarini bartaraf etishda amaliy yordam ko‘rsatish holatiga alohida e’tibor qaratildi.

🔰 Ijtimoiy xodim tomonidan fuqarolarga davlat tomonidan ko‘rsatilayotgan ijtimoiy xizmatlar va yordamlar haqida ma’lumot berish, ularni tegishli xizmatlardan foydalanishga yo‘naltirish, murojaatlarini o‘rganish hamda manzilli ko‘mak ko‘rsatish bo‘yicha olib borilayotgan ishlar tahlil qilindi.

Xalq deputatlari O‘rta Chirchiq tuman Kengashi kotibiyati axborot xizmati!