Xalıq deputatları Qaraózek rayonlıq Keńesi 8-Manǵıt jarǵan saylaw okrugi deputatı G.Minajatdinova "Berdaq" awıl puqaralar jıyını aymaǵında "Máhállelerde abadanlıq hám mehir-múriwbet aylıǵı" sheńberinde úyme-úy júrip úy átirapları hám kóshe boyların abadanlastırıw jumısları memen tanıstı hám puqaralar menen sáwbet alıp bardı.
Puqaralar tárepinen bildirilgen múrájat hám usınıslar deputatlıq qadaǵalawǵa alındı. Deputatlar aymaqtaǵı Qarshıǵalı shańaraqlıq shıpakerlik punktinde de bolıp, nawqaslarǵa birinshi járdem kórsetiwde jaratılǵan sharayatlar menen tanısıp, taraw boyınsha jańa nızam hám qararlardıń mazmunı túsindirildi.
Shıpakerlik punktinde zárúr ásbap-úskeneler, inventarlar menen támiyinleniw barısı úyrenildi. Deputat G.Minajatdinova aymaqtaǵı 14-sanlı mektepke shekemgi bilimlendiriw shólkeminde bolıp, "Bir Watan, bir xalıq bolıp, jańa turmıs hám keleshek quramız!" súreni astında Ǵárezsizligimizdiń 35 jıllıǵı múnásibeti menen abadanlastırıw jumısları baǵdarında ámelge asırılıp atırılǵan jumıslar menen tanıstı. Deputat G.Minajatdinova Qaraqalpaqstan Respublikası aymaǵında sociallıq-ekonomikalıq turmıs sharayatı awır bolǵan puqaralar jıyınlarında qurılıs hám abadanlastırıw jumısların ámelge asırıw maqsetinde mánzilli dizim qáliplestirilgen edi. Baǵdarlama sheńberinde Berdaq awıl puqaralar jıyını infrastrukturasın jaqsılaw, xalıq ushın qolaylı sharayatlar jaratıw jáne abadanlastırıw jumısların jedellestiriw maqsetinde 5 milliard sum qarjı ajıratıldı. Usı qarjı tiykarında islenip atırılǵan balalar maydanshası qurıw baǵdarında ámelge asrılǵan jumıslar menen tanıstı. Bunnan soń deputat G.Minajatdinova máhálle wákilleri menen birgelikte aymaqta ishimlik suwı menen támiyinlew baǵdarında ámelge asırılıp atırılǵan jumıslar menen tanıstı.