22-BAND IJROSI: TIBBIYOT OBYEKTIDAGI REKONSTRUKSIYA ISHLARI O‘RGANILDI
Xalq deputatlari Pastdarg‘om tumani Kengashi deputati Maqsud Kazakov tomonidan “Navro‘z” tez tibbiy yordam shoxobchasi binosida olib borilayotgan rekonstruksiya ishlari joyiga chiqib o‘rganildi.
Mazkur loyiha PQ-393-son qarori asosida tumandagi ijtimoiy soha obyektlarini rekonstruksiya qilish va qo‘shimcha binolar barpo etish dasturiga kiritilgan.
🔎 O‘rganish davomida binoning rekonstruksiya qilinishi, qurilish-montaj ishlarining borishi, yaratilayotgan sharoitlar hamda obyektning kelgusidagi foydalanish imkoniyatlari ko‘zdan kechirildi.
Loyiha doirasida mavjud 50 qatnovli tez tibbiy yordam shoxobchasini 1-tip oilaviy poliklinika talablariga moslashtirish ko‘zda tutilgan.
🏥 Bu esa hudud aholisiga birlamchi tibbiy xizmatlarni yanada qulay va sifatli ko‘rsatish, tibbiyot xodimlari uchun munosib mehnat sharoitlarini yaratishga xizmat qiladi.
📌 Deputat tomonidan rekonstruksiya ishlarining sifatli, belgilangan muddatlarda va loyiha talablariga muvofiq bajarilishiga alohida e’tibor qaratildi.
🎯 Maqsad — aholi uchun zamonaviy tibbiy xizmat ko‘rsatish sharoitlarini yaratish va ijtimoiy soha obyektlarida olib borilayotgan ishlarning samaradorligini ta’minlash.