SESSIYA OLDI O‘RGANISH: AHOLI MUAMMOLARI DEPUTAT NAZORATIDA
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan “Toza hudud” davlat unitar korxonasining tumanda sanitariya-epidemiologik holatni yaxshilash, chiqindilarni o‘z vaqtida olib chiqib ketish hamda debitor qarzdorliklarni undirish bo‘yicha amalga oshirayotgan ishlari yuzasidan o‘rganish ishlari davom etmoqda.
📍 Shu doirada Xalq deputatlari Pastdarg‘om tumani Kengashi deputati B.Ochilov tomonidan Shombuloq mahallasida aholi bilan uchrashuv o‘tkazildi.
🗣 Uchrashuv davomida fuqarolarning hududdagi obodonlashtirish, sanitariya va maishiy chiqindilarni o‘z vaqtida olib chiqib ketish bilan bog‘liq murojaatlari tinglandi.
🔎 Aholi tomonidan ko‘tarilgan masalalar o‘rganilib, mavjud muammolarni bartaraf etish, hududning tozaligi va obodonligini ta’minlash bo‘yicha tegishli mas’ullarga taklif va tavsiyalar bildirildi.
🎯 Maqsad — aholi murojaatlarini joyida o‘rganish, mavjud muammolarga amaliy yechim topish hamda hududlarda sanitariya va obodonlashtirish holatini yaxshilash.
Deputatlik nazorati — muammo joyida o‘rganilib, yechimiga qadar davom etadi.