Aholi murojaatlariga tezkor va amaliy munosabat bildirish — deputatlik faoliyatining bosh tamoyilidir.

Mahallada o‘tkazilgan yig‘ilish yakunlanishi bilanoq, Termiz shahar Kengashi raisi, deputat D.Normuradova, Kengash kotibiyati mudiri, deputat A.Ashurov, okrug deputati I.Shatova hamda kotibiyat bosh mutaxassisi A.Temirovlar hududdagi mavjud muammolarni bevosita joyiga chiqqan holda o‘rgandilar.

Mas’ullar mahallasidagi oqava suv (kanalizatsiya) quvurida yuzaga kelgan nosozliklar va texnik muammolarni joyida ko‘zdan kechirdilar hamda hududda yashovchi aholining e’tiroz va takliflarini tingladilar.

O‘rganish davomida quyidagilar aniqlandi:

▪️ Oqava suv quvurining nosozligi sababli hududda sanitariya-epidemiologik barqarorlikka salbiy ta’sir ko‘rsatuvchi holatlar yuzaga kelayotgani;

▪️ Aholi xonadonlari hamda yo‘l infratuzilmasi uchun noqulayliklar tug‘ilayotgani;

▪️ Fuqarolarning ushbu muammoni qisqa muddatda va sifatli ta’mirlash bo‘yicha haqli e’tirozlari.

Oqava suv tizimidagi nosozliklar aniqlanib deputatning murojaat daftariga kiritildi.

osozlikni bartaraf etish hamda quvurni ta’mirlash ishlarini amalga oshirish yuzasidan mutasaddi tashkilotlarga rasmiy deputatlik so‘rovi yuborilishi belgilab olindi.