Hayal-qızlardıń qatnasıwında aǵartıwshılıq hám diniy máselelerge baǵıshlanǵan seminar ótkerildi

Xalıq deputatları Shımbay rayonlıq Keńesi májlisler zalında hayal-qızlardıń qatnasıwında jawızlıqqa qarsı gúresiw, xalıqtıń ruwxıy-aǵartıwshılıq dárejesin arttırıw hám diniy máseleler boyınsha túsindiriw jumısların kúsheytiwge baǵıshlanǵan seminar ótkerildi. Seminardı Xalıq deputatları Shımbay rayonlıq Keńesi sekretariat baslıǵı M.Zarikeev ashtı hám basqarıp bardı.

Ushırasıwda hayal-qızlardıń huqıqıy hám diniy sawatlılıǵın arttırıw, jaslar tárbiyasında shańaraqtıń ornı, hár qıylı jat ideyalar hám zıyanlı tásirlerdiń aldın alıw, jámiette tınıshlıq hám keńpeyillik ortalıǵın bekkemlew máseleleri dodalandı.
Sonday-aq, qatnasıwshılarǵa diniy máseleler boyınsha durıs hám isenimli maǵlıwmatlarǵa ie bolıw, hár qıylı nadurıs túsinik hám kózqaraslarǵa berilmew, shańaraqta salamat ruwxıy ortalıqtı qáliplestiriw boyınsha zárúr túsinikler berildi.
Seminar juwmaǵında qatnasıwshılardıń sorawlarına juwaplar berilip, tema boyınsha pikir hám usınıslar almasıldı.