Xalq deputatlari Marg‘ilon shahar Kengashi deputati, Marg‘ilon shahar hokimi E.Rustamov tomonidan “Navbahor” hamda “Istiqlol” mahallalari hududida o‘rganishlar olib borildi.

O‘rganish davomida mahallalarda mavjud transformator punktlari joyiga chiqib ko‘zdan kechirilib, ularning texnik holati, elektr ta’minotining barqarorligi hamda kuz-qish mavsumiga tayyorgarlik darajasi batafsil tahlil qilindi.

Aniqlangan holatlar yuzasidan mutasaddilar bilan muhokamalar o‘tkazilib, transformator punktlarini belgilangan texnik me’yorlar asosida kuz-qish mavsumiga puxta tayyorlash, mavjud muammolarni bartaraf etish va aholining elektr energiyasiga bo‘lgan ehtiyojini barqaror ta’minlash bo‘yicha aniq vazifalar belgilandi.

Shuningdek, o‘rganishlar davomida mahallalarning obodonlashtirish holati, hududlarda tozalikni ta’minlash hamda aholiga ko‘rsatilayotgan kommunal xizmatlar sifati ham atroflicha o‘rganildi.

Aniqlangan kamchiliklarni bartaraf etish yuzasidan mas’ul korxona va tashkilotlar rahbarlariga tegishli topshiriqlar berilib, ularning ijrosini belgilangan muddatlarda ta’minlash vazifasi yuklatildi.

Bunday o‘rganishlar hududlardagi mavjud muammolarni joyida aniqlash, ularni tezkor bartaraf etish hamda aholiga qulay va sifatli sharoit yaratishda muhim ahamiyat kasb etadi.