🇺🇿🇺🇿🇺🇿🇺🇿 🇺🇿🇺🇿🇺🇿🇺🇿🇺🇿🇺🇿
#Mustaqillik35 #Uzb35

MUSTAQILLIK BAYRAMI KO‘TARINKI RUHDA NISHONLANDI

🇺🇿 Xalq deputatlari Uchtepa tumani Kengashining "19-Farhod" saylov okrugi deputati Ilhomjon Tuxtasinov Ko‘hna Cho‘ponota mahallasida O‘zbekiston Respublikasi davlat mustaqilligining 35 yilligi munosabati bilan tashkil etilgan bayram tadbirida ishtirok etdi.

📇 Tadbirda mahalla faollari, nuroniylar, yoshlar va keng jamoatchilik vakillari qatnashib, yurtimizda hukm surayotgan tinchlik va farovonlikka shukronalik izhor etildi.

📁 Deputat Ilhomjon Tuxtasinov tadbir davomida mahalla aholisini bayram bilan qutlab, quyidagi samimiy tilaklarni bildirdi:
Aziz yurtdoshlar! Barchangizni Mustaqilligimizning 35 yilligi bilan tabriklayman. Bugungi tinch va osoyishta hayotimiz, mahallalarimizdagi bunyodkorlik ishlari, farzandlarimizning baxtli kelajagi — bularning barchasi mustaqillik ne’matidir. Har bir xonadonga fayz-u baraka, oilalaringizga tinchlik va farovonlik tilayman. Mustaqilligimiz abadiy bo‘lsin!

🕯 Bayram tadbirida san’atkorlar tomonidan Vatan, tinchlik va mustaqillikni tarannum etuvchi kuy-qo‘shiqlar ijro etilib, aholi uchun ko‘tarinki kayfiyat ulashildi. Ayniqsa, milliy kuy va qo‘shiqlar tadbirga o‘zgacha shukuh bag‘ishladi.

🇺🇿 Mazkur bayram tadbiri mahalla ahlining birdamligi va hamjihatligini yanada mustahkamlashga xizmat qildi.

Mustaqilligimizning 35 yilligi muborak bo‘lsin!