QONUN IJROSI OʻRGANILDI 

Xalq deputatlari Quva tuman Kengashi deputati A.Dadajonov tomonidan tuman
Kengashi doimiy komissiyalari faoliyati doirasida oʻziga biriktirilgan tuman
pensiya jamgarmasi boʻlimida Oʻzbekiston Respublikasining 1993-yil 3-sentyabrda
qabul qilingan “Fuqarolarning davlat pensiya taʼminoti toʻgʻrisida”gi
OʻRQ-938-XII-son Qonuni ijrosi oʻrganildi. 

Oʻrganish davomida fuqarolarga pensiya tayinlash, qayta hisoblash va
toʻlash jarayonlari, pensiya oluvchilarning murojaatlarini koʻrib chiqish,
pensiya tayinlashda mehnat staji hamda ish haqi toʻgʻrisidagi maʼlumotlarning
inobatga olinishi, shuningdek, qonunchilikda belgilangan imtiyozlardan
foydalanish holatlari tahlil qilindi. 

Shuningdek, fuqarolarning pensiya taʼminoti bilan bogʻliq murojaatlarini
oʻz vaqtida va qonuniy asosda koʻrib chiqish, fuqarolarga qonunchilikda
belgilangan huquq va imtiyozlar yuzasidan tushuntirish ishlarini muntazam olib
borish holatiga alohida eʼtibor qaratildi. 

Oʻrganish yakuni boʻyicha aniqlangan kamchiliklarni bartaraf etish, fuqarolarning
pensiya taʼminotiga oid murojaatlarini qonunchilik talablari asosida sifatli va
oʻz vaqtida hal etish hamda pensiya taʼminoti sohasida aholi huquqlarini
taʼminlash yuzasidan tegishli taklif va tavsiyalar berildi.