Aholi murojaatlarini o‘rganish va ularning muammolarini joyida hal etish deputatlik faoliyatining muhim yo‘nalishlaridan biridir. O‘zbekiston Respublikasi Mustaqilligining 35 yillik bayrami munosabati bilan, Xalq deputatlari Jondor tumani Kengashiga 10-Jo‘ysafet saylov okrugidan saylangan deputat S. Qahhorov tashabbusi bilan Pochchoyi mahallasidagi Arabxona va Pochchoyi qishloqlarida elektr ta’minoti bilan bog‘liq muammolar bartaraf etildi.
🌏Joriy yilning 17 avgust kuni deputat S. Qahhorov saylovchilar bilan uchrashib, hududdagi mavjud ijtimoiy muammolarni muhokama qilgan edi. Muloqot davomida fuqarolar tomonidan elektr ta’minotidagi ayrim muammolarni bartaraf etish yuzasidan murojaatlar bildirildi.
🌏Mazkur murojaatlar deputat e’tiboridan chetda qolmay, muammo joyiga chiqib o‘rganildi. O‘rganish jarayonida ayrim xonadonlarda elektr kuchlanishining pastligi, shuningdek, hududdagi ayrim simyog‘ochlarning jismonan eskirgani aniqlandi.
🌏Aniqlangan kamchiliklarni bartaraf etish maqsadida deputat S. Qahhorov tashabbusi bilan yangi simyog‘ochlar olib berildi. Elektr ta’minoti muhandislari tomonidan tegishli ishlar amalga oshirilib, mavjud muammolar joyida bartaraf etildi.
🌏Natijada Arabxona va Pochchoyi qishloqlaridagi fuqarolarning elektr ta’minoti bilan bog‘liq murojaatlari amaliy yechim topdi. Bu kabi ishlar deputatlarning saylovchilar bilan doimiy muloqotda bo‘lib, ularning murojaatlarini joyida o‘rganishi va muammolarga amaliy yechim topish borasidagi faoliyatining muhim natijasidir.