️Tadbirkorlik subyektlariga davlat tomonidan beriladigan imtiyoz va preferensiyalarning individual tartibda emas, balki iqtisodiyot tarmoqlari, sohalar yoki hududlar kesimida qo‘llanishi belgilanganini ijobiy baholayman.

➡️Mazkur yondashuv tadbirkorlik muhitida tenglik, ochiqlik va adolat tamoyillarini yanada mustahkamlashga xizmat qiladi. Eng muhimi, imtiyozlardan foydalanishda ayrim tadbirkorlarga alohida ustunlik berilishining oldi olinib, barcha tadbirkorlik subyektlari uchun bir xil va shaffof mezonlar yaratiladi.

➡️Imtiyoz va preferensiyalarning ochiq mezonlar asosida taqdim etilishi sog‘lom raqobatni kuchaytiradi, tadbirkorlarning davlat ko‘magidan teng foydalanish imkoniyatini kengaytiradi. Iqtisodiyot va moliya vazirligi tomonidan imtiyoz va preferensiyalar reyestrining yuritilishi esa bu boradagi shaffoflikni ta’minlashda muhim ahamiyatga ega.

➡️Deputat sifatida, tadbirkorlikni rivojlantirish, halol raqobatni qo‘llab-quvvatlash va biznes uchun teng sharoitlar yaratishga qaratilgan bunday islohotlarni qo‘llab-quvvatlayman. Zero, tadbirkor uchun eng muhim omil — imtiyozning kim uchundir alohida berilishi emas, balki qonun oldida teng va barqaror sharoitda faoliyat yuritish imkoniyatidir.

Habiba Qarayeva,
Xalq deputatlari Jondor tumani Kengashi deputati