Xalq deputatlari tuman Kengashi raisi X.Raximov Shahriobod mahallasida bo‘lib, mahalladagi “Mahalla yettiligi” a’zolari bilan
uchrashdi. Uchrashuv davomida mahallada aholi bilan ishlash, fuqarolarning murojaatlarini o‘rganish, ularni qiynab kelayotgan muammolarni aniqlash va hal etish borasida amalga oshirilayotgan ishlar bilan yaqindan tanishildi. Shuningdek, “Mahalla yettiligi”ning har bir a’zosi o‘z yo‘nalishi bo‘yicha olib borayotgan ishlari, aholi bandligini ta’minlash, ehtiyojmand oilalarni qo‘llab-quvvatlash, yoshlar va xotin-qizlar bilan ishlash, jinoyatchilikning oldini olish hamda mahallada ijtimoiy barqarorlikni
ta’minlash borasidagi faoliyati muhokama qilindi. Mahalla hududidagi mavjud muammolar va ularni bartaraf etish bo‘yicha takliflar tinglanib, mas’ullarga aholi bilan tizimli va manzilli ish olib borish, har bir murojaatga e’tiborli yondashish yuzasidan tegishli tavsiyalar berildi. Xalq deputatlari tuman Kengashi raisi X.Raхimov mahalladagi ishlarni yanada samarali tashkil etish, aholi muammolarini o‘z vaqtida aniqlash va ularning ijobiy yechimini ta’minlash muhimligini ta’kidladi.