Deputat va “Mahalla yettiligi” hamkorligi

Oliy Majlis Senatining 2025-yil 14-yanvardagi KQ-35-V-sonli qaroriga muvofiq, hududlarni rivojlantirish, aholi muammolarini o‘rganish va ularni samarali hal etishda mahalliy Kengashlar deputatlari hamda senatorlarning “mahalla yettiligi” bilan yaqin hamkorligini yo‘lga qo‘yish belgilangan.

Mazkur qaror ijrosini ta’minlash maqsadida Xalq deputatlari O‘rta Chirchiq tuman Kengashining 15-O‘zbekiston saylov okrugidan saylangan deputati Sh. Radjapov nomidan tuman Kengashi kotibiyati bosh mutaxassisi Sh.Eshov tomonidan “Yoriq” MFYda bo‘lib, “mahalla yettiligi” faoliyati bilan yaqindan tanishdi.

Tashrif davomida mahalladagi ijtimoiy-iqtisodiy holat, aholini qiynayotgan muammolar, ehtiyojmand oilalarni qo‘llab-quvvatlash, bandlikni ta’minlash hamda hududni obodonlashtirish borasida amalga oshirilayotgan ishlar muhokama qilindi.

✅Xalq deputatlari O‘rta Chirchiq tuman Kengashi kotibiyati axborot xizmati!