Yangi ta’lim maskanlari — kelajak poydevori

Mustaqilligimizning 35 yillik bayrami arafasida yurtimizda, xususan, Surxondaryo viloyatida ta’lim sohasida amalga oshirilayotgan bunyodkorlik ishlari barchamizga katta quvonch bag‘ishlamoqda.

Sherobod tumanida 10 dan ortiq maktabgacha va umumiy o‘rta ta’lim muassasalarining foydalanishga topshirilgani — farzandlarimiz uchun zamonaviy va qulay sharoitlar yaratish yo‘lidagi muhim qadamdir.

Yangi ta’lim maskanlarida yaratilgan imkoniyatlar yosh avlodning puxta bilim olishi, iste’dod va salohiyatini namoyon etishi uchun mustahkam zamin yaratadi. Zero, ta’limga kiritilgan har bir sarmoya — kelajakka kiritilgan sarmoyadir.

Tumanimizda amalga oshirilayotgan bunday bunyodkorlik ishlari uchun davlatimiz rahbari tomonidan ta’limga qaratilayotgan yuksak e’tiborning amaliy ifodasi sifatida minnatdorchilik bildiraman.

Yangi ta’lim maskanlari farzandlarimizga muborak bo‘lsin! Ularning har birida bilimga chanqoq, Vatanga sadoqatli va yurtimiz kelajagini bunyod etadigan yoshlar kamol topishiga tilakdoshman.

Eshonqulov Sanjar To‘xtayevich
Xalq deputatlari Sherobod tumani Kengashi deputati
1-Yangiturmush saylov okrugi deputati

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube