Xalq deputatlari tuman Kengashi deputati X.Atajonova Ulug‘bek mahallasida aholi tomonidan amalga oshirilayotgan obodonlashtirish ishlari bilan tanishdi. O‘rganish jarayonida mahalla hududidagi ko‘chalar, xonadonlar atrofi va umumiy foydalanish joylarida olib borilayotgan tozalash, ko‘kalamzorlashtirish hamda hududni tartibga keltirish ishlariga e’tibor qaratildi. Mahalla aholisi tomonidan hudud obodligini ta’minlash, atrof-muhitni toza va saranjom saqlash borasida amaliy ishlar olib borilayotgani qayd etildi. Fuqarolarning bunday tashabbuslari mahallada sog‘lom va obod muhitni shakllantirishda muhim ahamiyat kasb etadi. Deputat X.Atajonova aholi bilan muloqot davomida obodonlashtirish ishlarini izchil davom ettirish, ko‘cha va jamoat joylarini yanada ko‘rkamlashtirish hamda hudud tozaligiga doimiy e’tibor qaratish yuzasidan fikr va tavsiyalarini bildirdi.