#162_ta_qonun
Jamoatchilik nazorati — ochiq va hisobdor davlat garovi

Bugungi kunda davlat organlari faoliyatining ochiqligi, shaffofligi va fuqarolar oldidagi hisobdorligini ta’minlashda jamoatchilik nazorati muhim o‘rin tutadi.

🇺🇿 “Jamoatchilik nazorati to‘g‘risida”gi O‘zbekiston Respublikasi Qonuni (O‘RQ-474) fuqarolarning davlat va jamiyat boshqaruvidagi ishtirokini kengaytirish, inson huquqlari va qonuniy manfaatlarini himoya qilish hamda davlat organlari faoliyatida qonuniylik va mas’uliyatni kuchaytirishga xizmat qiladi.

Jamoatchilik nazorati orqali fuqarolar, fuqarolarning o‘zini o‘zi boshqarish organlari, nodavlat notijorat tashkilotlari, ommaviy axborot vositalari va jamoatchilik kengashlari davlat organlari faoliyatini kuzatishi, tahlil qilishi va mavjud muammolar yuzasidan o‘z takliflarini bildirishi mumkin.

📌 Jamoatchilik monitoringi, jamoatchilik eshituvi, ekspertiza, muhokama, jamoatchilik fikrini o‘rganish va boshqa shakllar orqali aholining fikri davlat boshqaruvida yanada faol aks etadi.

Men, xalq deputati sifatida, fuqarolarning murojaatlari va takliflarini tinglash, ularning qonuniy manfaatlarini himoya qilish hamda hududimizdagi muammolarni tegishli tashkilotlar oldiga olib chiqishni o‘z faoliyatimning muhim yo‘nalishlaridan biri deb bilaman.

Jamoatchilik nazorati — bu shunchaki nazorat emas, balki davlat va xalq o‘rtasidagi ochiq muloqot, hamkorlik va o‘zaro mas’uliyat mexanizmidir.

Birgalikda ochiq, adolatli va xalq manfaatlariga xizmat qiladigan boshqaruvni shakllantiramiz!

Xalq deputatlari Sherobod tumani Kengashi 5-Guliston–Galaguzar saylov okrugi deputati Umarov Otash Abdullayevich

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube