Xalq deputatlari Andijon shahar Kengashi deputatlari Gulnoraxon Ismoilova va Avazbek Appaqov 24 tavsiya asosida Mirpo‘stin MFYda bo‘lishdi.

Tashrif davomida mahalla hududidagi mavjud holat, obodonlashtirish ishlari, aholi uchun yaratilgan sharoitlar hamda fuqarolarni qiynayotgan masalalar o‘rganildi.

Deputatlar mahalla yettiligi vakillari bilan suhbatlashib, aholining murojaat va takliflarini tingladilar. Aniqlangan masalalarni tegishli tashkilotlar bilan hamkorlikda hal etish, muammoli holatlarni bartaraf etish va belgilangan vazifalar ijrosini ta’minlash yuzasidan tegishli topshiriqlar belgilab olindi.

Shuningdek, 24 tavsiyada belgilangan vazifalarning amaliy ijrosi holati ko‘rib chiqilib, kelgusida amalga oshirilishi lozim bo‘lgan ishlar yuzasidan fikr almashildi.

Deputatlarning mahallalardagi faoliyati aholi bilan bevosita muloqotni yo‘lga qo‘yish, fuqarolar murojaatlarini o‘rganish va ularning qonuniy manfaatlarini himoya qilishga qaratilgan.