Xalq deputatlari Andijon shahar Kengashi deputatlik guruhi a’zosi tomonidan nogironligi bo‘lgan shaxslarni bandlikka jalb etish, kasbga o‘rgatish, ishga joylashtirish hamda ularni qo‘llab-quvvatlash mexanizmlarining ijrosi yuzasidan Andijon shahar Kambag‘allikni qisqartirish va bandlikka ko‘maklashish bo‘limiga deputat so‘rovi yuborilgan.

So‘rov bo‘yicha tegishli ma’lumot taqdim etilgan bo‘lsa-da, javob belgilangan muddat buzilgan holda yuborilgani qayd etildi.

Shu munosabat bilan bo‘lim boshlig‘i A.Azizovga deputat so‘roviga javob berish muddatining buzilish sabablari yuzasidan tegishli choralar ko‘rish hamda kelgusida deputat so‘rovlarining belgilangan muddatlarda ko‘rib chiqilishini ta’minlash bo‘yicha murojaat qilindi.

Masala deputatlik nazorati doirasida nazoratga olindi.