📌 DEPUTATLIK NAZORATI: MUAMMOLAR JOYIDA O‘RGANILIB, AMALIY CHORALAR BELGILANDI

Xalq deputatlari Sherobod tumani Kengashining 10-Chag‘atoy saylov okrugidan saylangan deputati Q. Raxamov tomonidan o‘z saylov okrugida navbatdagi deputatlik nazorati amalga oshirildi.

📍 O‘rganish davomida deputat Chag‘atoy mahallasida bo‘lib, hududdagi ijtimoiy infratuzilma obyektlari hamda aholini qiynayotgan masalalar bilan bevosita joyida tanishdi.

Nazorat jarayonida mahalla yettiligi vakillari, tumandagi tegishli mas’ullar hamda Xalq deputatlari Sherobod tumani Kengashi kotibiyatining bosh mutaxassisi Sh. Xo‘janazarov ishtirok etdi.

🔎 O‘rganish davomida aniqlangan masalalarni bartaraf etish, hududdagi sharoitlarni yaxshilash va aholi manfaatlarini ta’minlash yuzasidan tegishli vazifalar belgilab olindi hamda ularni amalga oshirish bo‘yicha amaliy ishlarni tashkil etish rejalashtirildi.

🤝 Deputatlik nazoratining bunday shakli muammolarni joyida aniqlash, mas’ullar bilan birgalikda ularning yechimini belgilash va ijrosini nazorat qilishda muhim ahamiyat kasb etadi.
Xalq vakili — xalq ichida. Muammo — joyida o‘rganiladi, yechim esa amaliy harakat bilan ta’minlanadi.

Xalq deputatlari Sherobod tumani Kengashi kotibiyati matbuot xizmati.