Yangi o‘quv yiliga tayyorgarlik holati o‘rganildi.

#Kotibiyat_mudiri_faoliyati
#24_tavsiya

Xalq deputatlari Angor tumani Kengashi 16-Zang saylov okrugi deputati Qulliyev Ergash tomonidan hududdagi 18-sonli umumiy o‘rta ta’lim maktabida yangi 2026–2027-o‘quv yiliga tayyorgarlik holati o‘rganildi.
O‘rganish jarayonida maktabning o‘quv xonalari, mavjud shart-sharoitlari, obodonlashtirish va ta’mirlash ishlari ko‘zdan kechirilib, ta’lim jarayonini yangi o‘quv yilida sifatli tashkil etish uchun yaratilayotgan imkoniyatlarga alohida e’tibor qaratildi.

Shuningdek, maktabning sport zali ham ko‘zdan kechirilib, uning sanitariya holati, jihozlanishi hamda o‘quvchilar uchun jismoniy tarbiya mashg‘ulotlarini samarali tashkil etish imkoniyatlari o‘rganildi.Mazkur jarayonda Xalq deputatlari Angor tumani Kengashi kotibiyati mudiri M. Yarmatov ham deputatga hamrohlik qildi.

O‘rganish yakunida aniqlangan kamchiliklarni bartaraf etish hamda maktabda o‘quvchilar uchun munosib ta’lim sharoitlarini yanada yaxshilash yuzasidan tegishli tavsiya va takliflar bildirildi.