Xalq deputatlari Termiz shahar Kengashining 4-“Bo‘ston” saylov okrugi deputati G.Abramatova hamda Kengash kotibiyati bosh mutaxassisi A.Temirov “Jayhun” mahallasida bo‘lib, o‘z saylovchilari bilan ochiq va samimiy uchrashuv o‘tkazdilar.

Mazkur uchrashuv va muloqot jarayoni mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari asosida tizimli ravishda tashkil etildi.

Muloqot davomida quyidagi muhim masalalarga e’tibor qaratildi:

Aholi murojaatlari: Fuqarolardan kelib tushgan ijtimoiy-maishiy, bandlik va kommunal sohadagi masalalar eshitildi;

Infratuzilma holati: Mahalla ko‘chalari, obodonlashtirish hamda hududiy muammolarni bartaraf etish imkoniyatlari muhokama qilindi;

“Mahalla yettiligi” bilan hamkorlik: Deputat va mahalla "yettiligi"ning aholi muammolarini xonadonbay o‘rganishdagi uzviy harakati tahlil etildi.

Uchrashuv yakunida fuqarolar tomonidan bildirilgan taklif va murojaatlar deputatning “Murojaat daftari”ga kiritildi. Muayyan vaqt hamda mutasaddi idoralar aralashuvini talab etadigan masalalar bo‘yicha deputatlik so‘rovlari yuborilishi va ijrosi qat’iy nazoratga olinishi belgilandi.