Xalq deputatlari Marg‘ilon shahar Kengashi tomonidan yangi ish haftasida deputatlik nazorati, hududlarni rivojlantirish, ijtimoiy barqarorlikni ta’minlash hamda aholi murojaatlari bilan ishlashga qaratilgan qator vazifalar amalga oshiriladi.

Hafta davomida deputatlarning saylov okruglaridagi o‘rganishlari tashkil etilib, aniqlangan muammo va takliflar yuzasidan tegishli mas’ullarga deputatlik so‘rovlari yuboriladi. Shuningdek, shaharni ijtimoiy-iqtisodiy rivojlantirish dasturidagi loyihalar, infratuzilma va ijtimoiy barqarorlik jamg‘armasi mablag‘lari hisobidan moliyalashtirilgan ishlar o‘rganiladi.

Doimiy komissiyalar faoliyati doirasida tegishli masalalar yuzasidan hisobotlar eshitilib, deputatlar tomonidan aniqlangan muammo va takliflar tartibga solinib, zarur hollarda doimiy komissiyalar muhokamasiga kiritiladi.

Bundan tashqari, Kengash faoliyatini OAV va ijtimoiy tarmoqlarda keng yoritish, fuqarolar va yuridik shaxslarning murojaatlarini belgilangan tartibda o‘rganish hamda yuqori tashkilotlardan kelib tushgan vazifalar ijrosini ta’minlashga alohida e’tibor qaratiladi.

Maqsad - deputatlik nazoratini kuchaytirish, hududdagi muammolarni aniqlash va ularning amaliy yechimiga erishish.