Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat B.Azmetov tumanning “Navro‘z” mahallasida nogironligi bo‘lgan fuqaroning xonadondagi sharoiti, ehtiyojlari hamda unga davlat tomonidan ko‘rsatilayotgan ijtimoiy xizmat va ko‘maklarning holati o‘rganildi.

🔻O‘rganish davomida fuqaroning yashash sharoiti bilan yaqindan tanishilib, uning kundalik hayotida duch kelayotgan muammolari, ijtimoiy va maishiy ehtiyojlari tinglandi. Fuqaroning huquq va manfaatlarini ta’minlash, munosib turmush sharoitini yaratish hamda zarur ijtimoiy xizmatlardan foydalanish imkoniyatini ta’minlash masalalariga alohida e’tibor qaratildi.

🔻Deputat tomonidan fuqaroning ehtiyojlarini faqat bir martalik yordam bilan cheklab qolmasdan, uning kundalik hayotida zarur bo‘lgan ijtimoiy xizmatlar bilan muntazam ta’minlanishi muhimligi ta’kidlandi. Ayniqsa, nogironligi bo‘lgan shaxslarni jamiyat hayotiga to‘liq jalb etish, ular uchun qulay muhit yaratish va mavjud muammolarini manzilli hal etishga alohida e’tibor qaratish zarurligi qayd etildi.

🔻Deputat tomonidan ijtimoiy himoyaga muhtoj fuqarolar bilan xonadonbay ishlash, ularning real ehtiyojlarini o‘rganish va aniqlangan muammolarni o‘z vaqtida bartaraf etish bo‘yicha mas’ullarga tegishli tavsiyalar berildi.