ARIQ SUVI MASALASI DEPUTAT NAZORATIGA OLINDI

Xalq deputatlari Pastdarg‘om tumani Kengashi deputati D. Tuychiyeva tomonidan Yangiqishloq mahallasi fuqarolari bilan uchrashuv o‘tkazildi.

Uchrashuv davomida aholi tomonidan navbatdagi sessiya kun tartibiga kiritilgan “O‘zbekiston – 2030” strategiyasining suv resurslaridan oqilona foydalanish yo‘nalishi bo‘yicha amalga oshirilgan ishlar hamda tumanda suv tejovchi sug‘orish texnologiyalarini joriy etish holati yuzasidan fikr va taklif bildirildi.

Fuqarolar tomonidan ariq suvi yetib kelmayotgani, buning natijasida tomorqa va ekin maydonlarini sug‘orishda qiyinchiliklar yuzaga kelayotgani haqida murojaat bildirildi.

Mazkur murojaat deputatning “Deputat daftari”ga qayd etilib, nazoratga olindi.

Deputat D. Tuychiyeva muammoni joyida o‘rganib, tegishli mutasaddi tashkilotlar bilan hamkorlikda masalani ko‘rib chiqish va yechimga erishish bo‘yicha choralar ko‘rilishini ma’lum qildi.

📌 Deputat nazorati — xalq manfaatlari yo‘lida!