🏛 Mahallalarda ishsizlik va kambag‘allikni qisqartirish, ehtiyojmand oilalarga ijtimoiy xizmatlar ko‘rsatish hamda hududlarning ijtimoiy infratuzilmasini yaxshilash borasida mahalliy Kengashlar deputatlari faoliyatini samarali tashkil etishga bag‘ishlangan o‘quv seminar o‘tkazildi.
🎙 Seminarda O‘zbekiston Respublikasi Oliy Majlisi Senatining Hududiy vakillik organlari faoliyatini o‘rganish markazi direktori Q. Muqumov hamda Hududlarni ijtimoiy-iqtisodiy rivojlantirish va budjet masalalari boshqarmasi boshlig‘i O. Mamayusupov ishtirok etdi.
👥 Tadbirda tuman Kengashining doimiy komissiyalari raislari, deputatlar hamda ekspert guruhi a’zolari qatnashdilar.
💬 Seminar davomida mahallalarda ishsizlik va kambag‘allikni qisqartirish, ehtiyojmand oilalarni qo‘llab-quvvatlash, aholi bandligini ta’minlash va ijtimoiy infratuzilmani rivojlantirish masalalari atroflicha muhokama qilindi.
📌 Shuningdek, mazkur yo‘nalishlarda deputatlarning nazorat va vakillik faoliyatini yanada samarali tashkil etish, muammolarni joyida o‘rganish hamda ularning yechimi yuzasidan amaliy choralar ko‘rish bo‘yicha fikr va takliflar bildirildi.