Xalq deputatlari tuman Kengashining 3-Gulobod saylov okrugi deputati N. Akramova tomonidan Sariosiyo mahallasida barpo etilayotgan 22-sonli maktabgacha ta’lim tashkilotida olib borilayotgan rekonstruksiya va qurilish ishlari o‘rganildi.

Mazkur loyiha doirasida umumiy qiymati 4 milliard 190 million so‘mlik mablag‘ evaziga 90 o‘rinli zamonaviy maktabgacha ta’lim tashkiloti binosi bunyod etilmoqda.

O‘rganish jarayonida qurilish-montaj ishlarining borishi, ularning sifati hamda belgilangan loyiha talablariga muvofiqligi ko‘zdan kechirildi. Shuningdek, obyektni belgilangan muddatlarda sifatli yakunlab, foydalanishga topshirish yuzasidan mas’ul mutasaddilarga tegishli tavsiya va topshiriqlar berildi.

Mazkur loyihaning amalga oshirilishi hududda maktabgacha ta’lim qamrovini kengaytirish, bolalar uchun zamonaviy va qulay ta’lim-tarbiya muhitini yaratish hamda ta’lim sifati va infratuzilmasini yanada rivojlantirishga xizmat qiladi.