Xalq deputatlari Toyloq tuman Kengashi raisi D. Ulug‘boyeva, Toyloq tumani Maktabgacha va maktab ta’limi bo‘limi mudiri M. Xidirov hamda tuman kotibiyat xodimi Sh. G‘afforov Sariosiyo mahallasida barpo etilayotgan 22-sonli maktabgacha ta’lim tashkilotida amalga oshirilayotgan rekonstruksiya ishlari bilan tanishdilar.

Mazkur loyiha doirasida 4 mlrd 190 mln so‘m mablag‘ evaziga 90 o‘rinli yangi bog‘cha binosi qurilmoqda.

O‘rganish davomida qurilish ishlarining borishi va sifati ko‘zdan kechirilib, obyektni belgilangan muddatlarda foydalanishga topshirish yuzasidan mas’ullarga tegishli tavsiyalar berildi. Mazkur loyihaning amalga oshirilishi natijasida hududdagi bolalarni maktabgacha ta’lim bilan qamrab olish imkoniyati yanada kengayadi.