Oqoltin tumani hokimining ijtimoiy masalalar bo‘yicha o‘rinbosari O.Egamov hamda tuman Kengashi kotibiyati bosh mutaxassisi D.Shakarboyevlar tomonidan Bo‘ston mahallasidagi 11-sonli umumta’lim maktabining sport zali, mavjud sport jihozlari hamda o‘quvchilar uchun yaratilgan sharoitlar o‘rganildi.

O‘rganish davomida maktabning asosiy binosida ta’mirlash ishlari amalga oshirilgan bo‘lsa-da, sport zali ta’mirlanmaganligi, shuningdek, o‘quvchilarning kiyim almashtirish xonalari ta’mirtalab holatda ekani aniqlandi. Bu holat o‘quvchilarning sport mashg‘ulotlarini munosib sharoitda olib borishiga salbiy ta’sir ko‘rsatmoqda.

Maktab ma’muriyati tomonidan sport zalini zamonaviy ko‘rinishda ta’mirlash maqsadida mazkur obyekt “Ochiq budjet” loyihasiga kiritilgani ma’lum qilindi. Loyihaning amalga oshirilishi va sport zali sharoitlarini yaxshilash masalasi tegishli tartibda nazoratga olindi.