Xalq deputatlari Shayxontohur tuman Kengashi deputati Davron Asadullayev Bog‘ko‘cha mahallasida o‘zining deputatlik faoliyati yuzasidan fuqarolarga axborot berdi.
Uchrashuv davomida mahallada amalga oshirilayotgan ishlar, aholi murojaatlari bilan ishlash, mavjud muammolarni o‘rganish hamda ularni tegishli tashkilotlar bilan hamkorlikda hal etish borasida olib borilayotgan ishlar haqida ma’lumot berildi.
Shuningdek, fuqarolarning taklif va murojaatlari tinglanib, ularni hal etish bo‘yicha deputatlik nazoratini kuchaytirish muhimligi ta’kidlandi.
Deputatlik faoliyatining asosiy maqsadi — xalq bilan ochiq muloqot qilish, aholi manfaatlarini himoya qilish va mahalladagi muammolarni amaliy hal etishga ko‘maklashishdir.