#deputat_tashabbusi #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️ MUSTAQILLIKNING 35 YILLIGI SHARAfIGA: YOSH FUTBOLCHILAR MAYDONDA BELLASHDI

🇺🇿 O‘zbekiston Respublikasi davlat mustaqilligining 35 yilligi munosabati bilan Uchtepa tumanidagi “Taqachi” mahalla fuqarolar yig‘ini hududida joylashgan 123-sonli umumta’lim maktabining futbol maydonida 2016–2017-yillarda tug‘ilgan o‘g‘il bolalar o‘rtasida futbol musobaqasi tashkil etildi.

🏛 Tadbir Xalq deputatlari Toshkent shahar Kengashi deputati Dilshod Shoumarov boshchiligida o‘tkazilib unda “Taqachi” MFY raisi N. Sagdiyev, mahalla yoshlar yetakchisi I. Oqnazarov, mahalla faollari va yoshlar ishtirok etdi.

📝 Musobaqaning ochilishida deputat Dilshod Shoumarov yoshlarni Mustaqillikning 35 yilligi bilan muborakbod etib, mahallalarda bolalar va yoshlarning sport bilan muntazam shug‘ullanishi uchun munosib sharoit yaratish, ularning bo‘sh vaqtini mazmunli tashkil etish hamda sog‘lom turmush tarzini keng targ‘ib qilish muhimligini ta’kidladi.

🔺 Futbol bahslari yosh sportchilarning o‘z mahoratini namoyon etishi, jamoaviylik va do‘stlik muhitini mustahkamlash bilan birga, bayram arafasida mahalla yoshlariga ko‘tarinki kayfiyat ulashdi.

📋 Mazkur tadbir Mahalliy Kengash deputati faoliyatining eng muhim yo‘nalishlari bo‘yicha ishlab chiqilgan 24 ta tavsiya bilan hamohang bo‘lib, unda belgilangan yoshlar bilan ishlash samaradorligi, ularning bo‘sh vaqtini mazmunli tashkil etish, mahallalardagi sport inshootlari va sport maydonlaridan samarali foydalanish kabi ustuvor vazifalarning amaliy ifodasi bo‘ldi.

🤝 Deputat Dilshod Shoumarov tomonidan saylov okrugida yoshlarni sportga keng jalb qilish, mahallalardagi sport infratuzilmasidan samarali foydalanish va yoshlar tashabbuslarini qo‘llab-quvvatlashga qaratilgan ishlarni izchil davom ettirish muhimligi qayd etildi.

🏆 Mustaqillikning 35 yilligiga bag‘ishlangan musobaqa yoshlar o‘rtasida sog‘lom raqobat, sportga qiziqish va jamoaviylik muhitini yanada mustahkamlashga xizmat qildi.

📱 Telegram 📱 Instagram 📱 Facebook 📱 YouTube 🔎 E-kengash