🏘 Muammolar xonadonma-xonadon o‘rganilmoqda

Xalq deputatlari Sherobod tumani Kengashining 10-Chag‘atoy saylov okrugi deputati Q. Raxamov, Kengash kotibiyati mudiri O. Tursunov hamda Chag‘atoy mahallasi ijtimoiy xodimi bilan birgalikda mahallada uyma-uy yurib o‘rganish ishlari olib borildi.

O‘rganish davomida xonadonlarga tashrif buyurilib, fuqarolarning yashash sharoiti, ijtimoiy holati, mavjud muammolari va ehtiyojlari bilan yaqindan tanishildi.

🔎 Suhbatlar davomida aholi tomonidan yo‘l va tabiiy gaz ta’minoti, shuningdek, ijtimoiy masalalar, oilalarning ehtiyojlari, ijtimoiy ko‘mak va xizmatlarga bo‘lgan talablar yuzasidan bir qator murojaatlar bildirildi.

Aniqlangan muammolarni joyida o‘rganish bilan cheklanib qolinmasdan, ularni amaliy hal etishga qaratilgan choralar ko‘rildi. Jumladan, deputat Q. Raxamov tomonidan shu kunning o‘zida tegishli mas’ul rahbarlarga deputatlik so‘rovlari yuborildi.

Shuningdek, aholi murojaatlarida ko‘tarilgan ijtimoiy va infratuzilmaga oid masalalarning ijrosini nazoratga olish, ularni bartaraf etish hamda fuqarolarga amaliy yordam ko‘rsatish masalalariga alohida e’tibor qaratildi.