Xalq deputatlari Farg‘ona shahar Kengashi kotibiyati mudiri mahalladagi hokim yordamchisi faoliyatini o‘rgandi

🏛 Xalq deputatlari Farg‘ona shahar Kengashi kotibiyati mudiri Sh.Kamalov kommunal soha vakillari hamda hududga xizmat ko‘rsatuvchi ko‘p kvartirali uylarni boshqarish organlari (BSK) rahbarlari bilan ochiq muloqot o‘tkazdi.
✅Ushbu amaliy o‘rganishlar mahalliy Kengash deputatlari faoliyatining eng muhim yo‘nalishlari bo‘yicha ishlab chiqilgan 24 talik tavsiyalar ijrosini samarali ta’minlash maqsadida tashkil etildi.
✅Muloqot va o‘rganishlar davomida hokim yordamchilari tomonidan amalga oshirilayotgan ishlar samaradorligi, xususan, aholini kambag‘allikdan chiqarish bo‘yicha olib borilayotgan chora-tadbirlar, hududdagi mikroloyiha va kelgusi rejalar yaqindan tahlil qilindi.
✅O‘rganishlar natijasida hududdagi foydalanilmay turgan bo‘sh yer maydonlarini belgilangan tartibda auksion savdolariga chiqarish, tadbirkorlik subyektlarini har tomonlama qo‘llab-quvvatlash hamda ular uchun qulay va jozibador sharoitlarni yaratish lozimligi ta’kidlandi.
✅Kotibiyat mudiri ushbu amaliy choralar orqali yangi ish o‘rinlarini yaratish hamda fuqarolarni kambag‘allik reystridan chiqarish bo‘yicha mas’ullarga tegishli tavsiya va ko‘rsatmalar berdi.