Shu maqsadda xalq deputatlari Termiz shahar Kengashi raisi, deputat D.Normuradova tomonidan Kengashning 19-“Ma’rifat” saylov okrugi deputati A.Mustafakulovning bugungi kundagi deputatlik faoliyati tahliliy-tanqidiy ruhda ko‘rib chiqildi.

Jarayon davomida deputatning saylov okrugida amalga oshirayotgan ishlari, fuqarolar bilan uchrashuvlari, aholi murojaatlarini o‘rganishi, hududdagi mavjud muammolarni aniqlash va ularni tegishli tashkilotlar bilan hamkorlikda hal etish borasidagi faoliyatiga alohida e’tibor qaratildi.

Shuningdek, deputatlik vakolatlaridan samarali foydalanish, saylovchilar bilan muntazam muloqot olib borish, ularning manfaatlarini Kengash yig‘ilishlari va tegishli doimiy komissiyalar faoliyatida izchil ilgari surish masalalari yuzasidan fikr va tavsiyalar bildirildi.

Tahlil yakunida 19-“Ma’rifat” saylov okrugida deputatlik faoliyatini yanada kuchaytirish, fuqarolar murojaatlari bilan ishlash samaradorligini oshirish hamda hududdagi muammolarni manzilli hal etishga qaratilgan vazifalar belgilab olindi.