Shu maqsadda xalq deputatlari Termiz shahar Kengashi raisi, deputat D.Normuradova Kengashning 7-“Bog‘ishamol” saylov okrugi deputati Sh.Allamuradovaning bugungi kundagi deputatlik faoliyatini tahlil qildi.

Tahlil jarayonida deputatning saylov okrugida olib borayotgan ishlari, fuqarolar bilan uchrashuv va muloqotlarni tashkil etishi, aholi murojaatlarida ko‘tarilayotgan masalalarni o‘rganishi hamda ularning yechimini ta’minlash borasidagi faoliyatiga e’tibor qaratildi.

Shuningdek, saylovchilar bilan doimiy aloqada bo‘lish, hududdagi ijtimoiy va maishiy muammolarni o‘z vaqtida aniqlash, ularni tegishli tashkilotlar bilan hamkorlikda hal etish hamda deputatlik nazoratini kuchaytirish yuzasidan fikr va tavsiyalar bildirildi.

Tahlil yakunida deputatlik faoliyatini yanada takomillashtirish, saylovchilar bilan ochiq va samarali muloqotni kuchaytirish hamda hudud manfaatlarini Kengash faoliyatida faol ilgari surish bo‘yicha kelgusidagi vazifalar belgilab olindi.