2-sonli umumta’lim maktabining yangi o‘quv yiliga tayyorgarligi o‘rganildi

Xalq deputatlari tuman Kengashi deputati I.Qo‘chqorova hamda Kengash kotibiyati bosh mutaxassisi D.Shakarboyev tomonidan 2-sonli umumta’lim maktabining yangi o‘quv yiliga tayyorgarlik holati atroflicha o‘rganildi.

O‘rganish davomida maktabning tashqi va ichki fasadlari ta’mirlanganligi, sinfxonalar hamda umumiy hududning yangi o‘quv yilini boshlash uchun tayyor holatga keltirilgani ko‘zdan kechirildi. Maktabda o‘quvchilar uchun munosib ta’lim olish sharoitlarini yaratish borasida tegishli ishlar amalga oshirilgani qayd etildi.

Shuningdek, ta’lim muassasasining yangi o‘quv yiliga tayyorgarligi ijobiy baholanib, mavjud kamchiliklarni o‘z vaqtida aniqlash va bartaraf etish muhimligi ta’kidlandi.