Mahalliy Kengash deputatlari faoliyatining eng muhim yo‘nalishlari bo‘yicha belgilangan 24 tavsiya asosida hududlarda o‘rganish ishlari izchil davom ettirilmoqda.

Xalq deputatlari Andijon shahar Kengashi 16-Yorboshi saylov okrugi deputatlik o‘rni vakant bo‘lganligi sababli, shahar Kengashi kotibiyatining bosh mutaxassisi Avazbek Appaqov tomonidan "Saxovat" MFYda o‘rganish ishlari olib borilmoqda.

O‘rganish davomida mahalla hududida tadbirkorlik faoliyati bilan shug‘ullanayotgan fuqarolarning ish faoliyati bilan tanishildi. Xususan, tadbirkor tomonidan plastmassa chiqindilarini qayta ishlash yo‘nalishida faoliyat yo‘lga qo‘yilgani ma’lum bo‘ldi.

Mazkur faoliyat hududda tadbirkorlikni rivojlantirish, yangi ish o‘rinlari yaratish hamda chiqindilarni qayta ishlash orqali ekologik barqarorlikni ta’minlashga xizmat qilmoqda.