Deputat X.Abdimo‘minov 1-Bandixon saylov okrugi saylovchilariga yarim yillik hisobotini taqdim etdi

Bandixon tumanida xalq vakillarining saylovchilar oldidagi hisobdorligini ta’minlash, hududlardagi muammolarni bevosita joyida o‘rganib, ijobiy yechim topish borasida tizimli ishlar amalga oshirilmoqda.

Xalq deputatlari Bandixon tuman Kengashi deputati X.A.Abdimo‘minov "Bandixon" mahallasida saylovchilar bilan uchrashuv o‘tkazdi. Tadbirda deputatning 2026-yilning II yarim yilligida amalga oshirgan faoliyati yuzasidan hisoboti eshitildi.

Hisobotda deputatlik faoliyatining ustuvor 24 ta yo‘nalishi bo‘yicha hududni ijtimoiy-iqtisodiy rivojlantirish, infratuzilmani yaxshilash, obodonlashtirish va aholi farovonligini ta’minlash borasida bajarilgan ishlar atroflicha tahlil qilindi.

Muloqot davomida fuqarolar tomonidan ichimlik suvi, elektr energiyasi ta’minoti hamda atrof-muhitni muhofaza qilish va ko‘kalamzorlashtirish masalalari bo‘yicha murojaatlar bildirildi. Deputat tomonidan fuqarolarning savollariga javob berilib, kelib tushgan barcha murojaat va takliflar ijro uchun deputatlik nazoratiga olindi.