O‘rganish jarayonida fuqarolarning kundalik hayotida uchrayotgan muammolar, ularni qiynayotgan masalalar hamda hududda yechimini kutayotgan ijtimoiy-maishiy muammolarga alohida e’tibor qaratildi.
Bunday uchrashuvlar aholi bilan ochiq muloqotni yo‘lga qo‘yish, murojaatlarni bevosita joyiga chiqqan holda o‘rganish va ularning yechimini ta’minlashda muhim ahamiyat kasb etadi. Zero, deputatlik faoliyatining asosiy vazifalaridan biri — saylovchilarning qonuniy manfaatlarini ifoda etish, ularni qiynayotgan masalalarni tegishli tashkilotlar oldiga qo‘yish va ijrosini nazorat qilishdan iborat.
Murojaatlarni o‘rganish jarayonida bildirilgan taklif va muammolar tegishli tartibda umumlashtirilib, ularning qonuniy yechimini ta’minlash yuzasidan amaliy choralar ko‘rilishi belgilandi.
Aholi murojaatlari bilan ishlashda eng muhim mezon — murojaatni qabul qilish bilan cheklanib qolmasdan, uning natijadorligini ta’minlashdir. Shu nuqtai nazardan, saylov okruglarida o‘tkazilayotgan bunday o‘rganishlar xalq bilan vakillik organlari o‘rtasidagi muloqotni yanada mustahkamlashga xizmat qiladi.