MAHALLA FAOLIYATI DEPUTAT E’TIBORIDA

Xalq deputatlari Navoiy shahar Kengashi deputati Hasanova Gulshan Zokirovna 13-Umid saylov okrugi hududidagi Ziyokor mahallasida mahalla raisi bilan uchrashib, mahalla faoliyati hamda hududda amalga oshirilayotgan ishlarni o‘rgandi.

🤝 Uchrashuv davomida mahallada aholi bilan ishlash, fuqarolarning murojaatlarini o‘rganish, ijtimoiy masalalarni hal etish, hududni obodonlashtirish va aholi manfaatlarini ta’minlash borasidagi ishlar muhokama qilindi.

⚖️ Mazkur yo‘nalishdagi faoliyat O‘zbekiston Respublikasining 2013-yil 22-apreldagi O‘RQ-350-son “Fuqarolarning o‘zini o‘zi boshqarish organlari to‘g‘risida”gi Qonuni bilan tartibga solinadi.

📌 Ushbu Qonunga ko‘ra, fuqarolarning o‘zini o‘zi boshqarish organlari mahalliy ahamiyatga molik masalalarni fuqarolarning manfaatlaridan kelib chiqib hal etishda muhim o‘rin tutadi. Fuqarolar yig‘ini raisi esa mahalla manfaatlarini davlat organlari va boshqa tashkilotlar bilan munosabatlarda ifodalaydi.

💬 Uchrashuv davomida mahalla raisining amalga oshirilgan ishlari, hududdagi mavjud muammolar va kelgusidagi vazifalar yuzasidan ma’lumotlari tinglandi. Aholi bilan doimiy muloqot olib borish, fuqarolarning murojaatlariga e’tibor qaratish hamda mavjud muammolarni o‘z vaqtida hal etish muhimligi ta’kidlandi.

🌿 Deputat tomonidan mahalladagi ishlarni joyiga chiqqan holda o‘rganish, aholi manfaatlarini himoya qilish va hududda farovonlikni ta’minlash borasidagi hamkorlikni yanada kuchaytirish zarurligi qayd etildi.

✨ Mahalla — aholi manfaatlari va hamjihatlik maskani!